தூத்துக்குடி, புனித சவேரியார் ஆலய 134-வது ஆண்டு திருவிழா கொடியேற்றத்துடன் துவக்கம்; ஏராளமானோர் பங்கேற்பு.

தூத்துக்குடி, சவேரியார்புரத்தில் உள்ள சின்ன கோவா என்று அழைக்கப்படும் புனித சவேரியார் ஆலயம் உள்ளது.

இந்த ஆலயத்தில் புனித சவேரியாரின் விரல் பாதுகாக்கப்பட்டு பக்தர்களின் காட்சிக்காக வைக்கப்பட்டுள்ளது.

இத்தகைய சிறப்பு வாய்ந்த இந்த ஆலயத்தின் 134-வது திருவிழா நேற்று மாலை கொடியேற்றத்துடன் துவங்கியது.

திருவிழாவின் முக்கிய நிகழ்ச்சியான புனித சவேரியாரின் சப்பர பவனி வரும் டிசம்பர் 3-ம் தேதி வெகு விமர்சையாக நடைபெற உள்ளது.

தினமும் காலை திருப்பலியும், மாலை ஜெபமாலை மறையுறை நற்கருணை ஆராதனை நடைபெறும்.

நிகழ்ச்சிகளை, பங்குத்தந்தை குழந்தை ராஜன், ஊர் நிர்வாகிகள் மற்றும் அருள் சகோதரிகள், இறைமக்கள் ஆகியோர் நிகழ்ச்சிகளை ஏற்பாடு செய்திருந்தனர்.