தேர்தல் பரப்புரை; திமுக வேட்பாளர் கனிமொழி-யை ஆதரித்து பல்வேறு பகுதிகளுக்கு நடந்தே சென்று வாக்குகள் கேட்டு பிரச்சாரம் மேற்கொண்ட மேயர் ஜெகன்…!

தூத்துக்குடி பாராளுமன்ற தொகுதியில் திமுக சார்பில் திமுக துணை பொதுச்செயலாளர் கனிமொழி மீண்டும் போட்டியிடுகிறார்.. இவரை அமோக வாக்கு வித்தியாசத்தில் வெற்றி பெற வைக்க வேண்டும் என மேயர் ஜெகன் தினமும் வீதி, வீதியாக சென்று மக்களை சந்தித்து வாக்குகள் சேகரித்து வருகின்றார்..

இந்நிலையில், இன்று (07.04.2024) காலை ஸ்டேட்பாங்க் காலனி, அம்பேத்கர் நகர், அமெரிக்கன் ஆஸ்பத்திரி மெயின் ரோடு, கந்தசாமி புரம் ஆகிய பகுதிகளில் உள்ள வணிகர்கள், பொது மக்கள் மற்றும் சாலையோர வியாபாரிகளிடம் நடந்தே சென்று அவர்களிடம் நலம் விசாரித்து உதயசூரியன் சின்னத்தில் வாக்குகள் கேட்டார்..

முன்னதாக, புனித இஞ்ஞாசியர் புரம் ஆலயத்தில் உள்ள விளையாட்டு மைதானத்தில் கைப்பந்து விளையாடி கொண்டிருந்த இளைஞர்களிடம் வாக்குகள் சேகரித்த அவர், அவர்களுடன் இணைந்து கைப்பந்தும் விளையாடி அசத்தினார்..